香港新浪網 MySinaBlog
« 上一篇 | 下一篇 »
Ben | 10th Apr 2013 | 聽音聽歌 | (6220 Reads)

呢排在收音機上常聽到許廷鏗的新歌,初時聽,以為是一首臨死的遺訓歌,因為許廷鏗唱到既沉鬱又帶聲嘶力竭,但當主持講出歌名是《青春頌》後,真有點懷疑他們播錯歌,歌名好OLD SCHOOL,是上世紀七十年代的日式廣東歌名,而且話明是「頌」,應該是歌頌青春,點都是輕鬆一些唱法吧?再聽深入一些,聽到幾句歌詞,都不是歌頌青春,似是一個醉酒佬酒後胡言亂語,於是上網找歌詞來看,看到底是不是我聽錯?

青春頌
 
主唱:許廷鏗
作曲:藍奕邦
作詞:藍奕邦
編曲:Johnny Yim
監製:Johnny Yim
 
 
若然現時士氣高昂 即管放肆任性
當你感到無力軟弱 切記不怪宿命
若然做人未算聰明 更要賣力亡命
還未要負責之際 切記盡興
 
誰亦會隨年變老 方懂得童年多好
等不到來年變老 才懷念 那種悠然腳步
來吧趁毫無控訴 快識穿沿途的污糟
這段少年時間 既然昂貴 大好青春要盡耗
 
記住要共最美的人分享每個夜晚
別忘掉原是靠堅持醫好每個傷患
既是有力挺起胸膛即管好好作反
無懼雨水沾濕兩眼
 
無用聽誰來勸告 一街的人言滔滔
不需坐下來計數 前行吧 你想做全意做
如沒有無窮氣數 也可跟神明賭一鋪
這段少年時間 有誰無悔 大好青春要消耗
 
記住要共最美的人分享每個夜晚
別忘掉原是靠堅持醫好每個傷患
記住趁尚有些本錢簽多一些帳單
如若你還淘氣 你還強壯 盡管出走別折返
 
無需定立時限 如風一般往返
人未老 還未晚 還未到盡頭記住來放心荒誕
若生命是無限 何必自定界限 大好青春就要多貪
 
記住要共最美的人分享每個夜晚
別忘掉原是靠堅持醫好每個傷患
記住趁尚有些本錢簽多一些帳單
如若你還淘氣 你還強壯 盡管出走別折返
 
記住每日盡興歡騰通宵至到達旦
別忘掉原是以單純體恤每個災難
既是有力挺起胸膛即管好好作反
無懼雨水沾濕兩眼 年月燦爛

看完這份歌詞,真的不能講係《青春頌》,只能說是《老蘭頌》,是那些去蘭桂坊蒲飲到啤啤夫,大家在訴苦,話下而家老啦,都係做細路好,唔駛負責任,早知唔好聽啲老嘢講,玩盡佢,又唔駛俾錢嘅,數,自然有人找,最好離家出走,屋都唔好返,記住,晚晚搵唔同人HAPPY(歌詞提足三次,搵朋友分享夜晚,點解要搵最美?大家都明啦)。
青春,千百年來一直都是給每一個人去虛耗,是一段謀殺光陰的過程,只是這段時間話長唔長,話短唔短,十幾年轉眼便過,很多人都會好後悔,點解不在那段時間做多些、學多些?因為到醒覺時已身處社會,每天的生活不是在講玩,但自己的裝備原來真的只得一個「玩」字。
然而青春真的要去玩,不能不玩,但要在玩中有所得著,如看看怎樣同朋友相處,看透不同朋友有不同的性格,甚至是各人的背境等等,從中可以令在玩之餘懂得思考、應對。
想做就去做,是青春的一種本錢,但「這筆錢」怎去用?後果是甚麼?冇人會知,但一些成年人的建議,便是指路明燈,聽得明看得透的話,自會有新路走出來,不是聽大人講嘢就係OUT。
唔好咁長氣,不如聽一些老餅青春頌,請留意歌詞,哈。

呢首係當年日劇的主題曲,電視未看過,後來聽下覺得幾勵志

幾十年後聽都係咁青春

點能夠冇呢首經典


[5]

Thank you so much.


[引用] | 作者 roids mass | 24th Oct 2018 | [舉報垃圾留言]

[4]

thanks for the info


[引用] | 作者 buy steroids | 19th Oct 2018 | [舉報垃圾留言]

[3]

哈、我反而第一次聽係理解成 趁年輕有時候就要玩 有夢想都要趁年輕去努力,同個句……記住要共最美的人分享每個夜晚……我係諗起屋企人,朋友,因為我覺得同佢吔一齊嘅夜晚係最幸福,最美。情人反而係其次。
可能吾同年紀吾同思想


[引用] | 作者 honeybb | 18th Dec 2014 | [舉報垃圾留言]

文中都說了青春是用來玩,只是點玩法而已,屋企人同朋友,好似冇乜人用美來形容。同埋要他們來分享夜晚,係都是每一天,或每一刻吧。

[引用版主回覆] | 作者 Ben | 18th Dec 2014

[2]

頌都有好多種方式。
但真係唔明點解你可以將首歌既歌詞理解成咁。
我自己覺得首歌target係年輕人,
佢希望年輕人好好珍惜好好享受青春既時間。

歌詞提到最美的人?我理解係,美麗係好多種,
我既好朋友好多都唔係外表出眾,但佢地係我心目中,
絕對稱得上係最美的人。
朋友,最緊要係可以並肩、可以一齊經歷、可以支持扶助。
美麗,唔係得外表一種。

責任係成長必要既元素。
但隨責任帶黎既,唔只咁簡單,更會有好多重擔。
年青人既青春,應該係最快樂最無憂。
到成長後晉身社會先察覺就太遲啦。

以上係我小小個人意見而已。


[引用] | 作者 Passing | 15th Jun 2013 | [舉報垃圾留言]

但不覺得「記住要共最美的人分享每個夜晚」很奇怪嗎?為甚不是時光而要夜晚?

[引用版主回覆] | 作者 Ben | 18th Jun 2013

[1]

原來我聽過"青春女探", 仲識唱幾句... 那時D歌詞真係易上口! 依家嘅歌, 詞又難記, 旋律也很入腦... 勉強只係記得陳奕迅D歌!


[引用] | 作者 米飯班主 | 9th May 2013 | [舉報垃圾留言]

而家啲歌用電腦做,冇了人氣,自然冇咁入腦。

[引用版主回覆] | 作者 Ben | 9th May 2013